Владејачката СДСМ вечерва организира граѓанска трибина во Струмица каде салата Парк е премала за да ги собере заинтересираните граѓани и симпатизери на партиајта. Со присутните во Струмица разговара премиерот Димитар Ковачевски кој порача дека Струмица е симболот на социјалдемократијата.
Не случајно СДСМ победуваше во Струмица дури и тогаш кога беше најтешко, кога целата држава беше заробена од страна на ВМРО-ДПМНЕ цели 11 години. Струмица е олицетворение на што сме ние, социјалдемократите, рече Ковачевски.
Во своето обраќање премиерот истакна дека СДСМ е печатот на македонската европска идеја и напредокот од осамостојувањето до денес.
СДСМ е дел од континуитетот на државничките одлуки во исполнување на македонските национални стратешките цели поставени уште од независноста. 31 година СДСМ е на вистинската страна на историјата и за тоа секој социјалдемократ, секој од вас овде присутен во оваа сала е особено горд, рече Ковачевски.
Членството во НАТО носи инвестиции во енергетиката
Сериозно сме посветени на инвестициите во енергетиката, бидејќи тоа е клучно во справување со кризата на краток, среден и долг рок. Генерално, инвестициската клима е исклучително подобрена бидејќи сме земја НАТО членка која има отпочнато преговори со ЕУ, изјави премиерот и претседател на СДСМ, Димитар Ковачевски на граѓанската трибина во Струмица.
Тој додаде дека започнува градбата на на 100 мегавати сончева електрана во Осломеј, а потоа следат и инвестиции како голема фотонапонска електрана Стипион од 400 мегавати, со развој на агрикултура од реноминараната француска компанија АКУО, изградбата на голема ветерна електрана Вирови, од реномираната германска компанија WPD.
Потпишани се договори за премиуми за изградба на 130 мегавати фотонапонски електрани. Во следниот период ќе почне и пуштање со работа на најголемите 25 мегавати во Свети Николе. Се очекува до крајот на 2023 во системот да се вклучат помеѓу 200 и 300 мегавати сончеви електрани. По 30 години, конечно ќе започне реализацијата на проектот ХЕЦ Чебрен. До крајот на годината ќе заврши евалуацијата и изборот на најдобар понудувач.. Проектот е со проценета инвестиција од 800 милиони евра, рече Ковачевски.
Премиерот додаде дека сепак и покрај напорите на Владата активната блокада на ВМРО-ДПМНЕ прави голема штета, бидејќи во моментов има над 130 закони, извештаи и документи кои се во различни фази од процеосот, а опозицијата ги блокира во Собранието.
Имаме историска шанса со ЕУ, не смееме да ја пропуштиме
Имаме историска шанса која не смееме да ја пропуштиме. Мора сите да се вградиме во процесот, во обврските и работата, затоа што на крајот, сите ќе ги чувствуваме придобивките од полноправното членство во ЕУ, рече премиерот и претседател на СДСМ, Димитар Ковачевски на граѓанската трибина во Струмица.
Тој додаде дека концептот за Европска Македонија ќе го предводи СДСМ, но дека една политичка партија не може сама, туку во тој процес треба да се вклучат генерации политичари и граѓани, многу политички партии и општествени субјекти.
„Тоа така мора да продолжи, да се обединиме и да продолжиме кон ЕУ силно и одлучно, затоа што македонската иднината е европска. Затоа на средба ги повикав лидерите на сите политички партии застапени во Собранието, рече Ковачевски.
Премиерот додаде дека ако не ги направиме уставните измени тогаш самите си ставаме пречка и самите се блокираме.
