Во американската сојузна држава Охајо, во близина на градот Источна Палестина, товарен воз излета од шините, по што избувна огромен пожар, јави Си Би Ес Њуз. Поради пожарот е наложена евакуација на жителите во радиус од 1,6 километри од железничкиот премин Св. Џејмс.
Фотографиите од Источна Палестина, град северозападно од Питсбург, објавени на социјалните мрежи покажуваат запалени повеќе вагони. Може да се забележи како чад се издигнува од пламенот и ја исполнува атмосферата.
🚨#BREAKING: Train derailment sparks massive explosion⁰⁰📌#EastPalestine | #Ohio
Currently, multiple emergency crews are responding to reports of a major fire caused by a tanker train derailment leading to multiple explosions. All residents nearby are now being evacuated pic.twitter.com/LUWqegoQnn
— R A W S A L E R T S (@rawsalerts) February 4, 2023
За жителите е организирано засолниште во едно средно училиште во Источна Палестина. Полициски автомобили возат низ градот и преку звучници ги повикуваат жителите да се евакуираат. Се уште не е позната причината за излетувањето на возот од шините, исто како и она што го превезувал. Според неофицијални информации возот по излетувањето од шините удрил во бензинска пумпа.
Засега нема информации за повредени. Товарната железница Norfolk Southern Corp „координира со локалните служби за итни случаи додека ги мобилизира сопствените тимови“, истакна портпарол на компанијата во соопштение испратено по е-маил.
#BREAKING: Police are blocking off multiple roads but we can see the fire caused by the #trainderailment from afar
Orange flames lighting up the sky @KDKA #EastPalestine #Ohio pic.twitter.com/i1jHX4r1F8
— Lauren Linder (@lauren_linder) February 4, 2023
