Истекува периодот од три месеци во кој веќе регистрираните бугарски здруженија и фондации во Македонија треба да поднесат барања за промена на нивните имиња кои се сметаат за спорни, во спротивно ќе бидат избришани.
Бугарското здружение „Цар Борис Трети“ во Охрид поднесе барање до Централниот регистар за „усогласување на работата на здружението со измените и дополнувањата на Законот за здруженија и фондации“. Според институцијата, „постапката по барањето се уште е во тек, но не е поднесена пријава од здружението „Ванчо Михајлов“ од Битола.
На почетокот на ноември минатата година, Собранието со целосно едногласност меѓу владејачката партија и опозицијата, донесе измени во Законот за здруженија и фондации, според кои се забранува граѓанските здруженија, фондации и политички партии да користат имиња, прекари, псевдоними кои се поврзани со фашизмот, нацизмот, геноцидот, Третиот рајх итн.
Законот за здруженија и фондации предвидува дозвола за употреба на име, презиме, прекар, псевдоним, кратенка или иницијали на историско лице да даде министерот за правда по добиено позитивно мислење од Комисијата за употреба на имиња на историски личности. Ова тело е создадено откако имињата на „Ванчо Михајлов“ и „Цар Борис Трети“ беа поставени од бугарските здруженија во Битола и Охрид.
