Роналд Малет сè уште работи на ротирачки ласери за патување назад во времето. Неговата работна теорија се заснова на дискусијата за релативноста на Алберт Ајнштајн. Прототипот на „ласерската јамка“ што тој го разви завршува со свиткување на времето, хипотетички овозможувајќи движење назад – најдалеку – до моментот кога машината била вклучена.
Роналд Малет е фасциниран од концептот на патување низ времето уште од дете. Сега, на 77 години, поранешниот професор по физика на Универзитетот во Конектикат сè уште не отстапува од својата теорија: Ласерската јамка што се врти може да го свитка времето на тековен начин.
Во интервју за Гардијан, Малет вели дека неговиот концепт за создавање вештачка црна дупка – која би можела да собере гравитационо поле што може да доведе до создавање временски „лупови“, што ќе ви овозможи да одите во минатото – доаѓа во форма на неговиот прстенест ласер. Прототипот, кој работи од 2019 година, може да создаде континуиран ротирачки зрак светлина. Малет вели дека „светлината може да создаде гравитација, и ако гравитацијата може да влијае на времето, тогаш самата светлина може да влијае на времето“.
Да речеме дека имате шолја кафе пред вас во моментов, објаснува тој за „Гардијан“.
„Почнете да го мешате кафето со лажицата. Почна да се врти наоколу, нели? Тоа го прави ротирачката црна дупка. Во теоријата на Ајнштајн, просторот и времето се меѓусебно поврзани. Затоа се нарекува простор-време. Така, додека црната дупка се ротира, таа всушност ќе предизвика извртување на времето“, вели Малет.
И треба да го започнете тој извртувачки концепт некаде. „Браќата Рајт не изградија само авион“, рече тој пред неколку години.
„Прво, тие всушност изградија тунел за ветер за да ги одредат најдобрите конфигурации за крилата на авионите. Кога станува збор за временска машина, треба да го изградиме тунелот за ветер пред да размислиме за изградба на авионот“, појасни Малет.
Така, Малет го направи својот прототип на машината. Тој мисли дека тоа може да функционира. Но, сè уште не профункционирало, и ако некогаш проработи, нема бесконечна способност да оди толку далеку назад колку што сакаме. Наместо тоа, тој вели дека враќањето назад во времето може да оди само наназад како кога бил креиран временскиот луп.
Сепак, Роналд Малет сè уште се надева. „Замислете кога би можеле точно да предвидиме кога ќе се случат земјотреси или цунами“, вели тој.
Подготви: Ј. Ѓ.
