Во рамки на официјалната посета на претседателката на Република Косово, Вјоса Османи-Садриу на Република Северна Македонија, претседателите Пендаровски и Османи-Садриу одржаа заедничка прес-конференција.
Во контекст на актуелните регионални предизвици, двајцата се согласиле дека нашите држави имаат значајно место со својата активна улога во заедничките напори за постигнување на трајна стабилност, добрососедство и економски просперитет на овој дел од Европа.
-Во тој контекст, констатиравме дека заедничката иднина на двете држави во евро-атлантските структури е влог во натамошна стабилизација и просперитет на регионот на Западниот Балкан, изјави Пендаровски.
Претседателот на РСМ го реафирмирам нашиот став дека ги поддржуваме евро-атлантските аспирации на Република Косово и дека Северна Македонија е подготвена да ги сподели своите искуства во однос на реформските процеси, како на патот кон Европската Унија, така и во однос на членството во НАТО Алијансата.
-Ја поддржуваме одлуката на Европската Унија за визна либерализација за Косово и активно го поддржуваме учеството на Косово во различните регионални и континентални формати на соработка, порача тој.
На средбата со косовската претседателка е разговарано и за можностите за унапредување на правата на Македонците во Косово, во време кога одредени странски пропаганди се повторно активирани.
-Во таа насока, наша заедничка цел е зближување на граѓаните од двете страни на границата и олеснување и интензивирање на прекуграничната соработка, истакна Пендаровски.
