Работната група за подготвување на Предлог иницијативата за потребата од измени на Уставот на денешната седница едногласно го усвои Деловникот за работа.
Работната група ќе работи врз основа на Решението на Министерот за правда во кое е наведено дека ова е тело е формирано заради подготвување на Предлог-иницијатива за потребата од измени на Уставот на Република Северна Македонија, согласно задолжението од Заклучокот од Извадокот на Нацрт Записникот број 41-4327/1 од седницата на Владата на Република Северна Македонија, одржана на 25.04.2023 година.
Со Заклучокот, Владата го задолжи Министерството за правда да формира работна група која ќе подготви Предлог иницијатива за потребата од измени на Уставот на РСМ врз основа на заклучоците донесени од Собранието („Службен весник на РСМ“ бр 161/22).
Работната група ќе продолжи со работа на 26 мај.
