НАСА е на пат да ги открие наодите од главниот извештај за НЛО, или „неидентификувани аномални феномени“ (НАФ), пренесува IFLSCIENCE.
Брифингот ќе се одржи утре во 16 часот, во седиштето на агенцијата во Вашингтон. Преносот во живо ќе биде достапен во видеото подолу.
Наодите се дело на независна студиска група изнајмена од НАСА во 2022 година. Групата брои 16 научни, аеронаутички и експерти за податоци, предводени од астрофизичарот Дејвид Спергел.
Според зборовите на НАСА, студиската група има за цел „да ги испита НАФ од научна перспектива и да создаде патоказ за тоа како да ги користиме податоците и алатките на науката за да го придвижиме нашето разбирање за НАФ“.
Околу 30 минути пред брифингот, НАСА ќе го објави целосниот извештај на тимот на интернет.
„Во согласност со принципите на НАСА за отвореност, транспарентност и научен интегритет, извештајот ќе биде споделен со јавноста. Сите податоци на НАСА се достапни на јавноста – ние сериозно ја сфаќаме таа обврска – и извештајот ќе биде лесно достапен за секој да го види или проучува“, рече во изјавата Даниел Еванс, помошник-заменик администратор за истражување во Дирекцијата за научна мисија на НАСА минатата година кога беше објавена студијата.
Набљудувањата на НАФ некогаш беа домен на теоретичарите на заговор и научната фантастика, но тие повторно беа запалени со обновено чувство на легитимност по голем број набљудувања од висок профил од страна на американската војска, кои беа објавени во јавноста.
Заканите за националната безбедност се главната причина поради која американските власти почнуваат сериозно да ги сфаќаат НАФ бидејќи е можно некои набљудувања да се експериментални авиони кои се тестираат од странскиот непријател како Русија или Кина.
Вонземски живот е исто така друга можност. Сепак, иако НАСА има отворен ум за сите евентуални можности, не треба да очекуваме бомбастични докази за вонземјани кои ја посетуваат Земјата од соопштението кое ќе излезе оваа недела.
Наместо тоа, во извештајот најверојатно ќе се наведат некои нови протоколи кои ќе и помогнат на агенцијата да собере податоци за набљудувањата на НАФ во иднина.
„[Извештајот] има за цел да ја информира НАСА за тоа кои можни податоци би можеле да се соберат во иднина за да се расветли природата и потеклото на НАФ. Извештајот не е преглед или проценка на претходни неидентификувани набљудувања“, се вели во кусата изјава на НАСА за соопштението.
„Во моментов има ограничен број висококвалитетни набљудувања на НАФ, што го оневозможува донесувањето цврсти научни заклучоци за нивната природа“, додава агенцијата.
М. П.
