Турција ќе изгради 20 теренски болници за Палестинците во Газа во област во близина на граничниот премин Рафа и на аеродромот „Ел Ариш“ во Египет, изјави турскиот министер за здравство Фахретин Коџа, цитиран од државната ТВ ТРТ Хабер.
Во изјавата по состанокот на владата, министерот ги критикуваше нападите врз онколошката болницата во Газа, изградена од Турција.
„Таквите дела не се ниту човечки ниту совест. Да се гаѓаат здравствените работници, пациентите со рак, да се остават да умрат или да се гаѓаат со бомби, всушност е воено злосторство. Децата не можат да бидатстрана што умира во ниедна битка“, изјави Коџа.
Министерот додаде дека Турција ги направила неопходните подготовки за формирање на 20 теренски болници во областа на граничниот премин Рафа и на египетскиот аеродром „Ел Ариш“. Според него, турските власти се во близок дијалог со египетското и палестинското Министерство за здравство и очекуваат да се гарантира безбедноста и да се издадат потребните дозволи.
