Една ветровитата ноќ во објектот на Елон Маск во SpaceX во Мекгрегор, Тексас, Лони Лебланк и неговите соработници сфатиле дека имаат проблем.
Работниците требале да пренесат пена изолација до главниот хангар на ракетната компанија, но им недостасувале ремени за да го зацврстат товарот. Лебланк, релативно нов вработен, понудил решение да го задржи товарот со тоа што седнал врз него, објави Ројтерс.
Камионот тргнал, но налет на ветар ги турнал Лебланк и изолацијата од приколката. Работникот удрил директно глава во тротоарот. На местото на настанот била констатирана смрт од повреда на главата.
Федералните инспектори на американската Управа за безбедност и здравје при работа (OSHA) подоцна утврдиле дека SpaceX не успеал да го заштити Лебланк од јасна опасност, забележувајќи ја тежината и сериозноста на прекршувањето. Соработниците на Лебланк изјавиле за OSHA дека SpaceX нема лесен пристап до приклучоци и нема процес или надзор за справување со такви товари.
SpaceX ги призна проблемите, а агенцијата и наложи на компанијата да направи седум конкретни подобрувања во безбедноста, вклучувајќи повеќе обука и опрема, се вели во извештајот од инспекцијата.
Ова не е единствена сериозна несреќа во SpaceX. Преку интервјуа и владини записи, новинската организација Ројтерс документирала најмалку 600 повреди на работници на SpaceX од 2014 година.
Записите вклучуваат извештаи за повеќе од 100 работници кои претрпеле исеченици или раскинати, 29 со скршеници или дислокации, 17 чии раце или прсти биле „скршени“ и девет со повреди на главата, вклучително и една фрактура на черепот, четири потреси на мозокот и една трауматска повреда на мозокот. Случаите вклучувале и пет изгореници, пет струјни удари, осум несреќи што довеле до ампутации, 12 повреди со повеќе неодредени делови од телото и седум работници со повреди на очите. Другите беа релативно мали, вклучително и повеќе од 170 извештаи за истегнување или исчашување.
SpaceX, основан од Маск пред повеќе од две децении, зазема став дека работниците се одговорни да се заштитат себеси, според повеќе од десетина сегашни и поранешни вработени, вклучително и поранешен висок извршен директор.
Лабавата безбедносна култура, рекоа повеќе од десетина сегашни и поранешни вработени, делумно произлегува од презирот на Маск кон бирократијата но и верувањето дека SpaceX дека води итна потрага по засолниште во вселената од Земјата што умира.
„Концептот на Елон дека SpaceX е на мисија да оди на Марс што е можно побрзо и да го спаси човештвото проникнува во секој дел од компанијата“, рече Том Молин, поранешен постар авионски инженер на SpaceX кој беше меѓу групата вработени отпуштени по поплаките на работното место.
„Компанијата го оправдува отфрлањето на сè што би можело да застане на патот за постигнување на таа цел, вклучително и безбедноста на работниците“.
Подготви: Марта Пешевска
