„Освен човечкиот капитал во кој што вложуваме преку вработувања, преку упатување на лекари на специјализација, преку соодветни едукации, истовремено вложуваме и во најсовремена и најсофистицирана медицинска опрема ширум нашата држава. Притоа не сме фокусирани само во главниот град, туку во многу медицински центри низ државата, но исто така и во инфраструктурата на здравствените објекти односно вложување во реновирање на болниците, создавање на посоодветни услови пред се за пациентите,но исто така и за вработените,“ рече рече заменик министерката за здравство Маја Манолева во изјава за ТВ Тера.
Таа изрази голема благодарност до сите здравствени работници, лекари, медицински сестри, лаборанти, болничари и останатиот медицински персонал, кој што несебично и неуморно постојано, 24 часа се вложува, се со цел граѓаните да имаат добро здравје, но и подобар животен стандард.
Во врска со дефицитот на кадар, Манолева се осврна на состојбата на глобално ниво, односно предизвикот кој не е присутен само во нашата држава.
Таа посочи дека останувањето на нашите лекари тука во нашата земја може да се направи само со продолжување на досегашната политика, како зголемување на платите на лекарите, зголемување на додатоците за дежурства, за ноќен труд и со упатување на нашите лекари на специјализација.
„Еве можам да изнесам еден подадок дека за шест години во јавните здравствени установи, се упатени на специјализација околу 1300 лекари што спопредено со претходите десет години значи од 2006 до 2016 година од 430 упатени лекари на специјализација, ќе се сложите е бројка која што е триплирана и тоа ќе биде мотив нашите лекари ширум државата, да останат тука, на овие простори и да лекуваат“ рече заменик министерката Манолева.
