Францускиот претседател Емануел Макрон побара „траен прекин на огнот“ во Газа за време на телефонски разговор со израелскиот премиер Бенјамин Нетанјаху.
Макрон нагласил дека е неопходно да се постигне траен прекин на огнот во Газа „со помош на сите регионални и меѓународни партнери“, соопшти Елисејската палата.
Франција во наредните денови ќе преземе заеднички чекори со Јордан на полето на хуманитарните активности во палестинската енклава, се додава во соопштението.
