Во Тирана денеска судот ќе решава за Сали Бериша, откако вчера по втор пат ја одложи мерката куќен притвор.
3 бригади имаат оперативно проширување долж границата со Косово. Ова проширување е претставено преку воспоставување на 48 напредни оперативни бази на армијата и жандармеријата долж целата гранична линија, соопшти Косовскиот министер за одбрана.
Во продолжение се темите од денешниот редакциски избор на ЦИВИЛ Медиа, од албанските медиуми во регионот за денешното издание на АЛ-Прес.
АЛБАНИЈА
Клан: Судот денеска ќе решава за Бериша
Втор пат по ред Специјалниот суд вчера го одложи донесувањето на мерката за безбедност против Сали Бериша, по барањето на СПАК да се заостри мерката куќен притвор.
Причина беше барањето на адвокатите на Сали Бериша за изземање на судијката Ирена Ѓока. Адвокатот на поранешниот премиер објаснува зошто го повторуваат барањето откако двапати било одбиено, пренесе Клан.
Топ Чанел : Фикс Фаре/ Поранешни заменици, поранешни градоначалници, поранешни директори присвоиле милиони евра од земјоделски фондови од ИПАРД!
„Фикс Фаре“ ( емисија на Топ Чанел) следеше во средата вечерта по осудите за злоупотреби на земјоделски фондови, каде милиони евра отидоа во рацете на политичарите и големите компании.
Истражувањето покажа дека средствата од АЗХБР, кои се за развој на руралните земјоделски култури, се давани селективно. Некои субјекти имаат корист, а други не! Групата Фикс отпатува до селото Трфуф во Лушње, каде субјект кој добил средства, изградил модерна стаклена градина, пренесува Топ Чанел.
КОСОВО
Балкан Веб- МО на Косово: Три од четирите бригади на српската армија се наоѓаат долж границата со Косово
Премиерот Албин Курти и претседателката Вјоса Османи предупредија на нови напади како оној на Бањка на северот на Косово. Нивниот став го повтори министерот за одбрана, Ејуп Маќедонци на А2 Си-Ен-Ен.
Тој посочи дека три од четирите бригади на српската војска се наоѓаат долж јужната граница на оваа земја, односно на границата со Косово.
„Овие 3 бригади имаат оперативно проширување долж границата со Косово. Ова проширување е претставено преку воспоставување на 48 напредни оперативни бази на армијата и жандармеријата долж целата гранична линија“, посочи Маќедонци, пренесе Балкан Веб.
Бота Сот: Запленети околу седум илјади фалсификувани евра во Косово Поле и Грачаница
Косовската полиција запленила околу седум илјади фалсификувани евра во Преоц- Грачаница и регионот на Косово Поле.
Во Косово поле на 11.12.2023 година депонирани се 364 евра, од кои повеќето во вредност од 2 евра, додека во Грачаница 6590 евра, сите по 2 евра, соопштија банкарските службеници, пренесе Бота Сот.
Репортери:Се отвораат воздушните коридори Косово-Албанија
Министерот за инфраструктура Либурн Алиу најави дека Косово ги отвори воздушните коридори со Албанија.
„Штотуку официјално се отворени воздушните коридори со Република Албанија, летовите кон запад и обратно се скратуваат за најмалку 15 минути. Од 1 јануари, сонародниците ќе заштедат уште повеќе време, покрај тоа што ќе патуваат без визи“, соопшти Алиу, пренесе Репортери.
КОЛУМНА
Телеграфи: 2023 година – Година на Африм Буњаку
“Како новинар, не можам, а да не ги спомнам бројните напади врз колегите додека известуваа од северниот дел на земјата, како граѓанин- либерализацијата на визите за Косово која стапува на сила на 1 јануари 2024 година, како човек – многу позитивни и негативни случувања кои имаат влијание врз иднината на моите деца.
Но, на крајот на оваа година мислам дека ништо повеќе не вреди да се спомене од веќе прогласениот Херој на Косово, Африм Буњаку“, пишува авторот Мухамет Хајрулаху во колумната „2023 година – Година на Африм Буњаку“, објавена во Телеграфи.
Подготви: Д. Тахири / Цивил Медиа
