Фудбалерот на Интер Мајами и Аргентина, Лионел Меси, е прогласен за најдобар играч за 2023 година во изборот на Светската фудбалска асоцијација (ФИФА).
Меси ја пропушти церемонијата на доделување на наградите „The Best FIFA Football Awards“ одржана синоќа во Лондон.
Аргентинецот ги победи финалистите за наградата – напаѓачот на Манчестер сити, Ерлинг Халанд и членот на ПСЖ, Килијан Мбапе.
Меси по трет пат во кариерата ја освои наградата „Најдобар“. Претходно победи во 2019 и 2022 година. Кристијано Роналдо (2016 и 2017) и Роберт Левандовски (2020 и 2021) по два ја освојуваа оваа награда.
Од минатото лето 36-годишниот Аргентинец настапува за Интер Мајами во МЛС. Минатата сезона Меси одигра 14 натпревари за тимот, постигна 11 голови и направи пет асистенции.
Со Аргентина, Меси стана светски шампион на 18 декември 2022 година. Во финалето на турнирот во Катар, Аргентинците ја победија репрезентацијата на Франција (3:3, 4:2 по пенали). Меси беше прогласен за најдобар играч на турнирот. На Светското првенство 2022 година, тој постигна седум гола.
