„Од 2021 година до сега имаме зголемено производство за 40 отсто, за да се постигне тоа треба да има поголем ископ, повеќе мегавати и плус да бидат задоволни работниците, да одговорат на барањата“ рече директорот на РЕК Битола, Пеце Матевски во интерју за ТВ Тера.
Тој додаде дека најзаслужни за успехот на РЕК Битола се работниците, бидејќи тие се движечка сила и најклучен фактор.
„Некои вадеше документи дека РЕК Битола треба да се затвори. Не е затоврено, туку имаме и вработувања од 460 луѓе. По изборите ќе имаме и нови вработувања“ рече Матевски.
Тој додаде дека работниците во РЕК Битола имаат специфична работа, изложени се на разни влијанија и поради тоа мора да бидат платени за да бидат задоволни.
„Не се знае на колку адвокати им ги наполнивме џебовите што некои тужеа за неисплатен К-15. Сега немаме такви работи. Се знае, К-15 добива секој вработен и се исплаќа 100 отсто. Треба да имаме позадоволни работници и да нудме подобри услови“ рече Матевски.
Платите во РЕК Битола се два пати зголемени во мојот мандат, ново покачување ќе има во втората половина на годината, рече Матевски
„Секој вработен треба да биде платен. Во мое време два пати се згоелмуваат платите. Еднаш со пет проценти, сега уште 15 проценти. И да надополнам дека во втората половина од годината пак ќе има покачување. Пак ќе добијат работниците повисоки плати“ рече Матевски.
Директорот на РЕК Битола истакна дека се воведува и бесплатен оброк, покрај тоа што е вклучено во платата.
„Ова што го добиваат сега работниците е бесплатено и е на наша волја. Ја спремаме и мензата, каде ќе добиеме топол оброк. Тоа е со цел да ги задоволиме условите на работниците“ рече Матевски.
