Тренерот на Реал Мадрид, Карло Анчелоти даде свое видување за синоќешниот натпревар со Лил на гостински терен.
Францускиот тим победи со 1:0 во меч од 2. коло на Лигата на шампионите.
-Не сме навикнати на порази. Но, противникот ја заслужи победата. Лил не надмина во дуел играта. Противникот беше посилен и мораме да го прифатиме тоа. Треба да учите од грешките. Ова е добра лекција која ќе не направи посилни, изјави Анчелоти за шпанските медиуми.
Реал Мадрид е на 16. место со три бода, Лил е 18-ти исто така со три бода во поредокот во Лигата на шампионите.
Тренерот на Атлетико Мадрид, Диего Симеоне ги кажа причините за високиот пораз синоќа во Лисабон.
Атлетико загуби со 4:0 во натпреварот од 2. коло во Лигата на шампионите.
– Не направивме многу, тие ги искористија сите наши грешки и мораме да им честитаме. Направивме многу добра работа во претсезоната, но денеска не одигравме најдобро. Ова можеше да се види во првото полувреме, но во второто ние едноставно престанавме да играме. Да не бараме изговори за замор и слично. Одговорноста е на тренерот кој прави промени во играта. Ова беше генерално лош натпревар за сите. Ова мора да се прифати, бидејќи е дел од играта. Ќе се обидеме повторно да собереме сили за неделниот натпревар, изјави Симеоне.
Атлетико е на 23. место во поредокот во Лигата на шампионите сотри бода.
Тренерот на Баерн, Винсент Компани ги искажа впечатоците за натпреварот со Астон Вила одигран синоќа во Бирмингем.
Баварците загубија со 1:0 во натпреварот од 2.коло од Лигата на шампионите.
– Изгубивме и треба да научиме од тоа. Овој пораз не е крај за нас, затоа мора да продолжиме понатаму. Не можам да кажам дека одигравме лошо. Игравме одлично со топката, создадовме шанси, но тие имаат силен тим и многу е тешко да се игра овде, изјави Компани за сајтот на УЕФА.
Астон вила со максимални шест бода по две кола се наоѓа на 6. место во поредокот во елитната фудбалска лига. Баерн е 15-ти со три бода.
