До петок времето ќе биде претежно облачно со повремени врнежи со променлив интензитет. Денеска во вечерните часови, во текот на ноќта и утре локални врнежи од дожд ќе има во јужните делови. По одделни котлини ќе има појава на магла, информираа од УХРМ.
Во четврток наместа врнежите ќе бидат пообилни (над 20 л/м2), а поради продор на постудена воздушна маса од север во четврток и петок на планините и на некои повисоки места врнежите ќе бидат од снег и ќе се формира снежна покривка. Ќе дува умерен до засилен северен ветер, особено во петок.
Во деновите од викендот времето ќе биде стабилно со пониски утрински температури.
Во Скопје до петок времето ќе биде облачно, утре со услови за појава на магла. Во четврток ќе има повремени врнежи од дожд, а на околните планини повремен снег. Ќе дува умерен, во делови од котлината повремено засилен северен ветер.
