Американскиот тенисер Френсис Тиафо е казнет со 120.000 долари поради недолично однесување откако го пцуеше судија за време на натпревар на Мастерсот во Шангај.
Инцидентот се случи во септември на Мастерсот во Шангај, во дуелот кој Тиафо го загуби од Русинот Роман Сафиулин со 7:5, 5:7, 6:7.
Тиафо е казнет со 60.000 долари за исклучително недолично однесување, како и дополнителни максимални 60.000 долари за вербална навреда, објави денеска Би-би-си.
Американскиот тенисер подоцна се извини за инцидентот и рече дека неговото однесување е неприфатливо.
Тиафо се соочуваше со можна суспензија, но АТП, сепак, само парично го казни.
