Косовските власти до сега испратиле три писма до Канцеларијата на ЕУ во Косово писма во врска со терористичкиот напад на 24 септември во Бањска во Звечан. Косово побара предавање на главниот српски терорист Милан Радоичиќ, додека Србија ја бара целосната документација за овој случај.
Првото писмо е испратено на почетокот на јули до канцеларијата на Европската унија во Косово а од Србија ја барале комплетната документација за случајот од 24 септември во Бањска во Звечан, бидејќи Високото јавно обвинителство во Белград најави покренување обвинение против главниот терорист Милан Радоичиќ.
„На почетокот на јули Канцеларијата на ЕУ во Косово доби писмо од Министерството за правда на Србија, кое испрати барање за взаемна правна помош до Вишото јавно обвинителство на Белград во врска со случајот Бањска. Врз основа на неговиот мандат, ПСЕУ во Косово го проследи ова барање до косовските власти, а потоа соодветната кореспонденција од косовските власти ја проследи до српските власти“, велат од канцеларијата на ЕУ во Косово.
Малку подоцна на адресата на оваа канцеларија пристигнало и второто барање.
Заемна правна помош со властите на Босна и Херцеговина побараа и властите на Косово, поврзано со оружјето употребено во терористичкиот напад во Бањска.
Според косовските власти , косовската полиција била нападната со оружје што било обезбедено од градот Тузла во Босна и Херцеговина.
„Претставниците на ЕУ во Косово добија и барање за взаемна правна помош од властите на Косово до властите на Босна и Херцеговина во врска со случајот Бањска. Барањето е испратено до Сараево и веќе е добиен одговор. Одговорот навреме е пренесен до надлежните органи на Косово“, велат од канцеларијата на ЕУ во Косово.
На Босна и беше кажано дека Федералната полициска управа ја проверува оваа информација.
Во октомври Косово побара предавање на организаторот на нападот во Бањска, Милан Радоичиќ.
„Понатаму, претставниците на Канцеларијата на ЕУ во Косово во октомври минатата година испратија барање за взаемна правна помош од косовските власти до српските власти за истото прашање. Од српските власти се уште нема одговор. Очекуваме Србија целосно да соработува со овие барања преку воспоставениот канал за взаемна правна помош. Целта на овој механизам е да се обезбеди судска соработка меѓу Косово и земјите кои не го признаваат, вклучително и Србија, и да се олесни пристапот до правдата за сите, без оглед на нивното државјанство или живеалиште“, изјавија од канцеларијата на ЕУ за Tevë1 на Косово.
Инаку, неодамна за медиумите, министерката за правда, Албулена Хаџиу најави дека ова барање на српската држава и официјално ќе биде одбиено.
Милан Радоичиќ, поранешен потпретседател на Српската листа, ја презеде одговорноста за смртоносниот напад врз косовската полиција во Бањска, во септември 2023 година.
Д. Т. /Цивил Медиа
