Американскиот претседател Доналд Трамп оствари телефонски разговори и со рускиот лидер Владимир Путин и со претседателот Володимир Зеленски, најавувајќи на 12 февруари дека преговорите за завршување на војната ќе започнат „веднаш“, а прекинот на огнот во Украина е во „не премногу далечна иднина“, објави Кијив индипендент, пренесува ЦИВИЛ Медиа.
„Само што разговарав со претседателот Володимир Зеленски. Разговорот помина многу добро. Тој, како и претседателот Путин, сака да постигне мир. Разговаравме за различни теми поврзани со војната, но најмногу за средбата што се одржува во петок во Минхен, каде што делегацијата ќе ја предводат потпретседателот Џеј-Ди Венс и државниот секретар Марко Рубио“, напиша Трамп.
Претходно, американскиот секретар за одбрана Пит Хегсет додаде дека е нереално да се очекува Украина да ги врати своите граници од 2014 година во какви било преговори со Москва и дека членството на Украина во НАТО е надвор од масата.
Остри критики за изјавите на Хегсет и Трамп
Забелешките и на Хегсет и на Трамп брзо предизвикаа од различни политички фигури. Сенаторот Ричард Блументал ја осуди пораката на Хегсет, нарекувајќи ја „капитулација и предавство“ на Украина. Блументал, кој оствари шест посети на Украина за време на нејзината борба против Русија, тврди дека пораката е еднаква на напуштање на Украина и поткопување на безбедноста на европските сојузници. Тој ја нагласи неизгасливата храброст на Украинците, додавајќи: „Тие ќе истраат“.
Surrender & betrayal—this SecDef Hegseth message amounts to abandoning Ukraine, & undercutting the security of our European allies. Having made 6 visits to Ukraine during its fight against Putin’s bloody assault, I know Ukrainians’ courage is unquenchable. They will persevere. https://t.co/oHuQ2tWzH6
— Richard Blumenthal (@SenBlumenthal) February 12, 2025
Претставникот Дон Бејкон сподели слична загриженост, барајќи од САД да препознаат кој ја започнал војната и кој е одговорен за неселективно бомбардирање на градовите.
„Треба да имаме морална јасност кој ја започна оваа војна, кој неселективно бомбардира градови и кој е нашиот вистински пријател овде“, рече Бејкон, нагласувајќи ги последиците од наградувањето на напаѓачот.
We should have moral clarity who started this war, who is bombing cities indiscriminately and who our real friend here is. There are consequences of rewarding the invader even if its leader foolishly led over 700,000 of its citizens to slaughter. https://t.co/LfZef7lhtf
— Rep. Don Bacon 🇺🇸✈️🏍️⭐️🎖️ (@RepDonBacon) February 12, 2025
Сенаторот Адам Б. Шиф, демократ од Калифорнија, напиша:
„Денес, претседателот Трамп го повика нашиот непријател, Русија, пред да го повика нашиот сојузник Украина“.
Да не кршиме зборови за тоа што претставува ова: предавање на интересите на Украина и нашите сопствени, дури и пред да започнат преговорите.
Трамп е одличен договорувач – за Кремљ.
Today, President Trump called our enemy, Russia, before calling our ally, Ukraine.
Meanwhile, his Secretary of Defense, ruled out a future for Ukraine in NATO and a restoration of Ukrainian sovereignty over its own lands.
Let’s not mince words about what this represents: a…
— Adam Schiff (@SenAdamSchiff) February 12, 2025
Џон Болтон, кој служеше како советник за национална безбедност во првата администрација на претседателот Доналд Трамп, обвини дека Трамп „практично му се предал“ на Владимир Путин пред преговорите за судбината на Украина, објави предходно денеска ЦИВИЛ Медиа.
Изјавите на Трамп би можеле да бифдат напишани во Кремљ, можеби и се напишани во Кремљ, и пуштени на пропагандните канали, вели Болтон и додава: Toa e целосен пресврт во однос на позициите на САД и НАТО. Капитулацијата ќе биде потпишана од Доналд Трамп.
Европските лидери следеа со силни мислења. Поранешниот претседател на Европскиот совет Доналд Туск рече на X:
„Сè што ни треба е мир. ПРАВЕДЕН МИР. Украина, Европа и Соединетите држави треба да работат на ова заедно. ЗАЕДНО“.
All we need is peace. A JUST PEACE. Ukraine, Europe and the United States should work on this together. TOGETHER.
— Donald Tusk (@donaldtusk) February 12, 2025
Естонскиот политичар Марко Микелсон ја изрази својата загриженост, велејќи:
„Денес може да влезе во историјата како мрачен ден за Европа“, повикувајќи ги европските лидери да ја препознаат важноста од преземање акција сега.
Today might go down in history as a dark day for Europe. It now depends on European leaders to finally recognize that we must take our fate into our own hands – right now.
— Marko Mihkelson (@markomihkelson) February 12, 2025
Во меѓувреме, Каја Калас, највисокиот дипломат на ЕУ, го потврди територијалниот интегритет на Украина, изјавувајќи дека „независноста и територијалниот интегритет на Украина се безусловни“. Таа ја истакна потребата Европа да игра централна улога во зајакнувањето на Украина и обезбедувањето силни безбедносни гаранции во какви било преговори.
Ukraine’s independence and territorial integrity are unconditional.
Our priority must now be strengthening Ukraine and providing robust security guarantees.
In any negotiation, Europe must have a central role.
Our Weimar+ statement ↓ pic.twitter.com/PfdvQ4UND1
— Kaja Kallas (@kajakallas) February 12, 2025
Коментари за разговорот Трамп-Путин дадоа и европските министри за одбрана кои се во седиштето на НАТО во Брисел каде денеска се одржува состанок на министрите за одбрана од сојузниците на Украинана.
Британскиот министер за одбрана Џон Хили одби да одговори на прашањата за разговорот меѓу рускиот и американскиот претседател што се одржа претходниот ден, јавува дописникот на Би-Би-Си. Според Хили, тој видел само извештаи за тоа.
„Сакаме да видиме траен мир“, рече британскиот министер за одбрана. „Не може да има преговори за судбината на Украина без Украина. Тој додаде дека работата на НАТО останува да ја стави Украина во најдобра можна позиција за можни преговори.
Естонскиот министер за одбрана Хано Певкур и министерот за одбрана на Литванија Арвидас Анушаускас, пак, истакнаа дека Европа треба да учествува во преговорите за судбината на Украина, бидејќи тоа е прашање на заедничка безбедност. На прашањето на Би-Би-Си дали знаел однапред за претстојниот повик на Трамп до Путин, шефот на естонското Министерство за одбрана одговори:
„Мислам дека Трамп се јавува кога сака“.
Од друга страна, како што објави предходно денеска ЦИВИЛ Медиа, претседателот на Украина, Володимир Зеленски во обраќање до јавноста по неговиот разговор со американскиот претседател Доналд Трамп истакна:
„Имав долг и детален разговор со претседателот Трамп. Ја ценам неговата искрена заинтересираност за нашите заеднички можности и како заедно можеме да донесеме вистински мир. Разговаравме за многу аспекти – дипломатски, воени и економски – и претседателот Трамп ме информираше за тоа што му кажал Путин. Веруваме дека силата на Америка, заедно со Украина и сите наши партнери, е доволна за да ја принуди Русија на мир“
Зеленски, заедно со неколку високи американски функционери, вклучително и претставникот на Трамп за Украина и Русија, Кит Келог и потпретседателот Џеј-Ди Венс, треба да присуствува на безбедносната конференција во Минхен од 14-16 февруари, каде што се очекува да се сретне со двајцата, соопшти Кабинетот на претседателот.
Келог, исто така, треба да ја посети Украина на 20 февруари, додека Трамп ги спомна плановите да се сретне со Зеленски наскоро, иако тој не ја прецизираше локацијата или времето. Потенцијалните мировни преговори се очекува да бидат главниот фокус на овие средби.
Драган Мишев / Цивил Медиа
