Тренерот на Манчестер сити, Хосеп Гвардиола се сомнева во учеството на напаѓачот Ерлинг Халанд во натпреварот од 26. коло на англискиот шампионат против Ливерпул.
– Дали Халанд ќе игра? Уште не знам. Ќе дознаеме утре. Да, можеби ќе може да игра, но сè уште нема точни информации. Ќе тренираме денес, а потоа ќе биде подложен на тестови“, изјави Гвардиола, за „ESPN“.
Манчестер сити утре ќе го пречека Ливерпул. Натпреварот започнува во 17:30 часот.
Ливерпул е лидер на табелата со 61 бод, Сити е на четвртото место со 44 бода.
