Познатиот француски музеј „Лувр“ вчера ненајавено затвори изложбен простор за посетители поради нестабилен под во јужното крило на парискиот музеј. Засегнатата област е „Галерија Кампана“ на првиот кат од крилото „Сили“, каде што е изложена ќерамика од Древна Хелада. Културната установа, исто така, на свои 65 вработени им наложи да ги евакуираат своите канцеларии во крилото следните три дена.
„Лувр“ соопшти дека тој дел неколку години бил предмет на засилен надзор поради слабостите што произлегуваат од комплексниот дизајн и реновирањето од 1930-тите.
Стручњаците и инспекцијата укажале на нестабилност во голем број греди, а главниот архитект за историски споменици одлучил и да го блокира пристапот до канцелариите на вториот кат за да ги испита причините и да се извршат потребните поправки. Според известувањето на „Лувр“, реновирањето на крилото „Сили“ е главен дел од општите планови за реновирање објавени од претседателот Емануел Макрон на почетокот на годината.
Во меѓувреме, спектакуларниот упад во музејот минатиот месец предизвика дебата за безбедноста. Накитот на крадците сè уште не е најден, иако голем број осомничени се во притвор.
