Основното јавно обвинителство Скопје поведе истражна постапка против 37-годишен скопјанец поради основано сомнение за сторено кривично дело – полов напад и силување.
Како што соопштуваат од ОЈО, осомничениот, на 21 февруари, насилно извршил обљуба врз жена во автомобилот сопственост на неговиот татко, принудувајќи ја на сексуален однос против нејзина волја и согласност.
Со оглед на тоа што во конкретниот случај постојат околности кои укажуваат на опасност од бегство и можност осомничениот да го повтори делото, јавниот обвинител до судијата на претходна постапка од Основниот кривичен суд Скопје доставил предлог за определување мерка притвор.
