Во првиот натпревар од осминафиналето на Лигата на шампионите на УЕФА, актуелниот европски шампион Реал Мадрид победи со 2:1 (1:1) на „Сантијаго Бернабеу“ против Атлетико Мадрид и дојде до предност во пресрет на реваншот на „Ванда Метрополитано“. Карло Анчелоти ја доби првата битка, ќе видиме дали ќе ја добие војната против Диего Симеоне.
Реал Мадрид не можеше да побара подобар старт бидејќи Родриго откако ја прими топката од Валверде, влезе во шеснаесетникот од десно, а потоа со левата нога шутираше во голот на Јан Облак. Домаќините имаа иницијатива во првите 20 минути, контрола на натпреварот, но и два добри потези кои не ги комплетираа голгетерот и Винисиус Жуниор.
Хулијан Алварез потоа ја покажа својата класа. „Пајакот“ на Атлетико дијагонално од левата страна ја тргна пајажината од аголот на мрежата на Тибо Куртоа за молк на домашните навивачи, а на радост на 4.000 навивачи на „јорганџиите“.
Реал уште еднаш го зададе првиот удар во преостанатиот дел од натпреварот. Брахим Дијаз ја измеша одбраната, а потоа мајсторски ја турна топката во корнер на ново воодушевување на навивачите на „кралскиот клуб“.
Фудбалерите на Арсенал пак веќе се со една нога во четвртфиналето, откако „топџиите“ ги декласираа со 7:1 (3:1) ПСВ во Ајндховен во првиот осминафинален натпревар од Лигата на шампионите и практично обезбедија место меѓу најдобрите осум екипи.
Арсенал речиси сигурно ќе се соочи со подобриот од двата тима во четвртфиналето, Реал Мадрид и Атлетико Мадрид.
Борусија Дортмунд и Лил ремизираа 1-1 (1-0) во првиот двомеч од Лигата на шампионите во Дортмунд, па реваншот на 12 март во северна Франција ќе го реши следниот патник во нокаут фазата од елитното натпреварување на УЕФА.
Иако „милионерите“ важеа за фаворити во Германија, Лил заслужено освои бод со храбра и пред се дисциплинирана игра во вториот дел.
Резултати од осминафиналето во Лигата на шампионите (први натпревари):
Реал Мадрид (Шпанија) – Атлетико Мадрид (Шпанија) – 2:1
ПСВ Ајндховен (Холандија) – Арсенал (Англија) – 1:7
Борусија Дортмунд (Германија) – Лил (Франција) – 1:1
Клуб Бриж (Белгија) – Астон Вила (Англија) – 1:3
Во среда:
Феенорд (Холандија) – Интер (Италија)
Пари Сен Жермен (Франција) – Ливерпул (Англија)
Баерн Минхен (Германија) – Баер Леверкузен (Германија)
Бенфика (Португалија) – Барселона (Шпанија)
Реваншите се играат на 11 и 12 март.
