Националната мрежа против насилство врз жени и семејно насилство и Здружението за психотерапија и советување „Кортекс“, заедно со Министерството за здравство започнува со процес на унапредување и имплементирање на стандардната оперативна процедура за постапување во Центрите за упатување на жртви на сексуално насилство со формирање на работна група составен од сите релевантни чинители.
Првата средба на Работната група за унапредување и имплементирање на стандардната оперативна процедура за центри за упатување на жртви на сексуално насилство, ќе се одржи денеска во Хотел Мериот, на која ќе учествуваат заменикот-министер за здравство Јовица Андоновски, програмската менаџерка во Делегација на Европска унија Ирена Иванова, извршната директорка на Националната мрежа против насилство врз жени Елена Димушевска и Неда Чаловска – Димовска, независна експертка која ќе ги презентира предлог измените на СОП.
Целта на работната група е да ги идентификува пропустите и предизвиците во функционирањето на Центрите за упатување на жртвите на сексуално насилство воспоставени во трите јавни здравствени установи ЈЗУ Универзитетска клиника за гинекологија и акушерство Скопје, ЈЗУ Клиничка болница Тетово и Општа болница Куманово и согласно тоа да направи измени и дополнувања во Стандардната оперативна процедура.
