Министерот за внатрешни работи Панче Тошковски денеска учествуваше на дипломатскиот брифинг популарно наречен „Пријателите на МАРРИ“ – платформа во чии рамки ја промовираме регионалната соработка во насока на сеопфатен, интегриран и кохерентен пристап во сите области на управување со миграциите, соопшти МВР.
– Свесни сме дека миграцијата е комплексен, повеќедимензионален и брзо-менувачки феномен. Традиционалниот начин на управување со миграцијата е затворен и реактивен на настаните, а сите ние сме соочени со предизвиците да ги анализираме, утврдиме и усогласиме краткорочните потреби со долгорочните можности. Дипломатскиот брифинг на кој учествуваме денеска е традиција и обележје на Регионалниот центар со кој се овозможува негова промоција пред дипломатскиот кор во Македонија, меѓународните организации и граѓанското општество. Она што денес Иницијативата со голема релевантност го прави и за што навистина е целисходно нејзиното постоење – е идентификување на регионални приоритети во областа на миграцијата што е од особена важност и од перспектива на нашата интеграција во Европската унија, потенцираше на брифингот министерот Тошковски.
Тој истакна дека Македонија останува посветен партнер, домаќин и промотор на Иницијативата и во иднина ќе ја дава својата максимална поддршка во процесите на донесување одлуки во како во рамки на МАРРИ, така и во останатите регионални иницијативи.
