Кралицата на Норвешка, Соња е пренесена во болница со хеликоптер за спасување, пренесе ДПА.
Норвешкиот кралски двор денеска соопшти дека кралицата, која има 87 години, е примена во Универзитетската болница во Осло поради проблеми со дишењето.
Радио станицата НРК јави дека Соња пристигнала во болницата доцна синоќа.
Во соопштението од палатата се вели дека Соња била земена од кралската скијачка и ловечка куќа на околу 300 километри северозападно од Осло. Норвешкото кралско семејство традиционално таму ги поминува велигденските празници.
На кралицата Соња, сопруга на норвешкиот крал Харалд Петти, во јануари ѝ беше вграден пејсмејкер. Харалд ја имаше истата процедура пред една година.
Весникот Верденс Ганг денеска јави дека престолонаследникот Хакон денеска ќе патува во Полска со норвешкиот министер за надворешни работи како што е планирано, и покрај болеста на неговата мајка. Портпаролка на кралскиот двор го потврди ова за весникот.
