Најмалку осум лица се повредени изминатата ноќ во комбинираниот руски напад врз украинскиот главен град со ракети и беспилотни летала, соопшти градоначалникот на Кијив Виталиј Кличко.
Тимур Ткаченко, началник на воената администрација на Кијив, соопшти дека на повеќе локации избувнале пожари, а има и штети од паднати делови од беспилотни летала.
Ноќешниот напад е еден од најголемите комбинирани руски воздушни удари врз Кијив од почетокот на војната во Украина во февруари 2022 година.
Украинскиот претседател Володимир Зеленски денеска изјави дека само дополнителни меѓународни санкции би можеле да ја принудат Русија да прифати прекин на огнот, по руските напади со беспилотни летала и ракети врз Киев изминатата ноќ, во кои се повредени 15 лица.
– Само дополнителни санкции насочени кон клучните руски економски сектори ќе ја принудат Москва да прифати прекин на огнот, напиша Зеленски на социјалната мрежа X.
Тој ја обвини Москва дека е причина за продолжувањето на војната.
