Благодарам од срце за можноста да се обратам на Астана форумот, пред луѓе кои со своето знаење, визии и државничка мудрост имаат потенцијал да го променат светот, напиша претседателката Гордана Сиљановска-Давкова на нејзиниот Фејсбук профил.
– Мултилатералниот систем базиран на правила е расцепкан под тежината на растечката мултиполарност. Се чини дека правиме чекор назад, кон постар светски поредок, оној на Макијавели, Хобс и Клаузевиц, каде што правилата се заменуваат со моќ, објави Сиљановска-Давкова на ФБ.
На отворањето на Меѓународниот Астана форум 2025, напиша претседателката на РСМ, повикав на суштински реформи на светската организација.
– Време е за жена генерален секретар на ОН. Во свет доминиран од силни мажи со оружје, ни требаат силни жени со мудрост, објави Сиљановска-Давкова.
