Високата претставничка на ЕУ за надворешна политика и безбедност, Каја Калас, вчера во телефонски разговор со шефот на иранската дипломатија, Абас Арагчи, го повика Техеран веднаш да ги обнови преговорите за прекин на неговата нуклеарна програма.
-Заканите за повлекување од Договорот за неширење само дополнително ги зголемуваат тензиите, нагласи Калас, потсетувајќи на заканите на Иран за повлекување од овој договор.
Таа додаде дека соработката со Меѓународната агенција за атомско оружје (МААЕ) мора да се обнови и дека ЕУ е подготвена да го олесни тој процес, пишува Политико.
Арагчи рече дека за време на разговорот ја изразил длабоката недоверба на Техеран кон САД, осудувајќи го „деструктивниот пристап“ што го презедоа „некои европски земји“ и генералниот директор на МААЕ во врска со неодамнешниот конфликт меѓу Израел и Иран.
