Вчера на 64-годишна возраст ненадејно почина еден од најпознатите албански новинари, публицисти и аналитичари, Артур Жеји.
Тој почина на пат кон болница откако имал срцев удар во ресторан во Саранда.
Жеји беше роден на 29 август 1961 година во Тирана и имаше раководни позиции во неколку медиуми, како што се албанската државна телевизија, државната новинска агенција АТА и весникот МАПО. Од 2017 година, тој е водител на политичко-аналитичката емисија „360 степени“.
