Со мурал и нови содржини почнува прославата за 40 години од „Бушава азбука“

Со откривање на муралот „Бушава азбука“ на 31 август, недела, во 10.30 часот, започнува прославата по повод 40 години од легендарната детска серија. Настанот носи забавно-образовни активности за најмладите и музички сет на диџеј Vishko за возрасните.

На публиката, за првпат, ќе ѝ биде прикажана шпицата за новата анимирана серија „Буквождер“. Во рамки на прославата ќе бидат претставени и првите лиценцирани производи под брендот „Бушава азбука“, кои ќе може да се добијат преку кампањата „Време е за Бушавата азбука“. Со секоја донација граѓаните стануваат сопственици на производи и директно го поддржуваат оживувањето на новите содржини.

Агенда на настанот:

• 10:30 – Најава на јубилејот и претставување на проектите под брендот „Бушава азбука“

• 10:45 – Премиера на шпицата за новиот цртан филм „Буквождер“ и најава на кампањата за донации

• 11:20 – 13:00 – Активности за деца:
  • Бушав подарок за секое дете
  • Боење на буквите од „Бушава азбука“
  • Цртање стенсили со спреј
  • Боење букви на лице

• 11:20 – 13:00 – Музички сет на диџеј Vishko

Настанот е организиран од „Види вака раскажувачко студио“, а изработката на муралот е поддржана од Општина Центар.