Граѓанската иницијатива „Стоп за Вардариште“ најави дека утринава во 07.30 часот ќе одржи протест со блокада на мостот „Близнаци” меѓу општините Аеродром и Гази Баба.
– Овој чекор го преземаме поради немањето слух на надлежните органи за нашите барања и се поголемото труење кое му се прави на овој народ, наведуваат во најавата за протестот од „Стоп за Вардариште“, кои изминатите денови на истата локација организираа протести во тек на вечерните часови.
Иницијативата повикува работодавачите да бидат толерантни за работниците кои ќе задоцнат тој ден на работа.
Протест ќе има и во 18 часот на истата локација.
