Ник Рејнер, 32-годишен син на славниот американски режисер Роб Рајнер (78) и неговата сопруга Мишел Сингер Рајнер (68), е официјално обвинет за двојно убиство од прв степен по смртта на неговите родители во нивниот дом во Брентвуд, Лос Анџелес, објавија американските медиуми и јавниот обвинител на округот Лос Анџелес. Обвинението вклучува употреба на опасно оружје — нож, и во случај на осудителна пресуда тој може да се соочи со доживотен затвор без можност за помилување или дури и смртна казна, зависно од одлуката на обвинителството дали ќе побара казна со посебни околности, пренесува Reuters.
На конференцијата за новинари во вторник, окружниот јавен обвинител Натан Хохман потврди дека обвиненијата се поднесени, но додаде дека сè уште не е донесена одлука дали ќе се побара смртна казна во овој случај.
Стравичен наод во семејниот дом
Безживотните тела на Роб Рајнер и неговата сопруга беа пронајдени во неделата во утринските часови во нивниот дом во Брентвуд, Лос Анџелес, со рани од убоди, што наведува истражителите да ги третираат случајот како двојно убиство со нож. Тела ги пронашла нивната ќерка Роми кога дошла да ги посети.
Драматични настани пред злосторството
Според некои извештаи од медиумите, само неколку часа пред убиството Роб Рајнер и неговиот син Ник учествувале во жестока расправија на божиќна прослава, што било забележано од повеќе гости. Овие извештаи наведуваат дека Ник се однесувал необично и бил загрижен за славните личности на забавата, и дека настанала вербална расправија меѓу него и неговиот татко.
Апсење и детали за обвинението
Ник Рејнер бил уапсен неколку часа по пронаоѓањето на телата, а полицијата го лоцирала во близина на универзитетскиот кампус во Лос Анџелес. При пребарување на неговиот престој, властите пронашле траги што укажувале на крвава сцена. Тој бил уапсен без инциденти и не пружил отпор, и сега се наоѓа во притвор без кауција.
Според објавените правни документи, обвинението му става на товар двојно убиство од прв степен со посебни околности, што значи дека обвинителството може да бара најстроги казни предвидени со законот, пренесува AP News.
Редакција Фронтлајн
