– Она што го правиме со сопствени извори во делот на обновлива енергија е она што го имаме како ресурс да инвестираме сами, или да го дадеме како потенцијал за јавно приватно партнерство, истакна прремиерот Заев на денешната-прес-конференција.
„Во РЕК Осломеј веќе се градат 10 мегавати. Сто мегавати веќе се во втора фаза на избор на приватен партнер каде што државата го нуди зејиштето, а тоа се старите јагленокопи да ги обновиме со фотоволтации и по пат на јавна лицитација бараме најмалку 10 проценти за државата. Развиваме 20 мегавати во РЕК Битола, дополнително 40 мегавати и уште 100 мегавати во РЕК Битола. Се развива проектна документација за 100 мегавати во Кавадарци околу ХЕЦ Тинвеш. Се градат и се со одобрение за градба 90 мегавати ветерници. Едната е во Богданци и се надеваме ќе биде првата домашна 100 процентна инвестиција, другата е со одобрение за градба во Богданци, третата е во Демир Капија, во Кочани, Дебарца, Се прават мерења за околу 400 мегавати ветерници на потегот Крива Паланка-Куманово, каде германска компанија која има портфолио од 5.000 мегавати ветерници, прави мерења, а веруваме дека ќе се потврди дека има доволно ветер за да се реализира оваа инвестиција од 500 милиони евра.“, истакна Заев.
Тој нагласи дека се затвораат стари „мазутари“ и електрани на тврди фосилни горива на сметка на фотоволтаици, ветерници и електрани кои работат на природен гас.
Затвораме стара „мазутара“ кој ќе премине на природен гас. Се работи на изработка на физибилити студија за ТЕЦ Неготино, очекуваме производство на електрична енергија од природен гас, за разлика како што беше до сега на мазут. Разговараме со големи копмании од областа на енергетиката, за инвестиции во гасна централи, еден таков е за 800 мегаватна електрана во областа околу Битола, која би била замена за РЕК Битола кој во наредните 10 години треба комплетно да го затвориме. За таа цел едниот блок во РЕК Битола веќе го тргаме на страна а на другите два се сменуваат филтри, се со цел да ја испратиме пораката на замена на добивањето на енергија од фосилни горива со обновливи извори на енергија“, потенцира Заев на денешниот прес.
Ј. Ѓорѓиоски
