Примопредавањето на вакцините и средбата на Табановце меѓу српскиот претедател Александар Вучиќ и македонскиот премиер Зоран Заев е жестоко искоментирана од бугарскиот европратеник и заменик претседател на ВМРО БНД, Ангел Џамбаски. Според Џамбаски, ова е „класичен пример за српско влијание и пропаганда“ во Скопје.
„Вучиќ се појави на Свети Трифун во Табановце и ги донесе првите вакцини за Македонците“. Српскиот претседател Александар Вучиќ е претставен како голем ослободител за македонскиот народ. Мислите дека култот кон личноста исчезна во овие географски широчини. Не, не сте во право. Не во Северна Македонија, каде што Вучиќ е опишан како „лидерот од Белград“. А Бугарија, Грција и ЕУ се „лошите момци“ во сликата.Можеме само да сонуваме за овој тип на написи за Бугарија да се појават во Северна Македонија во моментов. Затоа што таму сè уште се пишува за нас како „фашистички окупатор“.
И така е повеќе од 70 години, напиша Џамбаски на својот Фејсбук профил објавувајќи ја колумната на „Слободен печат“.
