Јапонската влада размислува да им дозволи на странските спортисти да влезат во земјата по укинувањето на вонредната состојба.
Според „Nikkei“, некои спортисти може да добијат дозвола за влез во Јапонија на крајот на март, бидејќи дел од квалификациските натпревари ќе започнат на почетокот на април. Со цел спортистите веднаш да започнат со тренинзи, властите на земјата нема да бараат од нив да поминат двонеделен карантин, додека ќе им биде забрането да ја напуштаат територијата на спортски бази и нивното место на живеење.
Покрај тоа, на спортистите нема да им биде дозволено да користат јавен превоз. Нивните паметни телефони ќе бидат опремени со специјални апликации за следење на здравјето.
Во моментов, само граѓаните на земјата можат да влезат во Јапонија, како и странците кои трајно престојуваат во земјата и имаат долгорочни визи. При преминување на границата, тие мора да имаат документ со кој се потврдува дека имале негативен тест за коронавирус 72 часа пред пристигнувањето. После тоа, мора да поминат уште еден тест за вирус на аеродромот и да одат во 14-дневен период на самоизолација.
извор: МИА
