Сообраќајот на државните патишта се одвива непречено по влажни коловози. Снег со слаб интензитет вее во Берово, Делчево, К.Паланка, Битола, П.Шапка, Маврово, Стража, Пресека и Ѓавато кој во моментов не се здржува на коловоз, соопшти АМСМ.
Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
