Демократска Бугарија“ ја одби поканата од коалицијата ГЕРБ-СДС за преговори за поддршка на мандатот добиен од бугарскиот претседател Румен Радев за формирање нова влада по парламентарното избори на 4 април, соопшти лидерот на партијата Христо Иванов, поранешен министер за правда во една од владите на Бојко Борисов.
Како што јавува дописникот на МИА од Софија, одговорот е даден во писмена форма и е упатен до Десислава Атанасова, која е претседател на парламентарната група ГЕРБ-СДС. Во писмениот одговор, Иванов соопшти дека предизборните определби на неговата партија и причината за длабоки реформи во судството и борбата против системската корупција ја исклучуваат можноста да одговорат на предлогот на ГЕРБ.
Според него, ГЕРБ продолжува да биде главен носител на маѓепсаниот модел на владеење „Борисов“ и обидите за лансирање фасаден модел на Советот на министри од именувани лица кои на никаков начин не го менуваат овој факт.
И од партијата „Има таков народ” на шоуменот Слави Трифонов, исто така, одбија да разговараат со партијата на премиерот во оставка Бојко Борисов.
