Се согласуваме со ставот што преовладува во Европа дека не треба да има раздвојување, рекол грчкиот премиер Кирјакос Мицотакис во однос на европската перспектива на Македонија и Албанија, во разговор со грчките новинари по средбата со американскиот архиепископ и приемот во конзулатот на Грција во Њујорк.
„Земјите од Европската Унија ќе го оценат текот на двете држави од Западен Балкан и соодветно ќе се одлучат следните чекори. Се согласуваме со ставот што преовладува во Европа дека не треба да има раздвојување (decoupling), им рекол Мицотакис на грчките новинари според АНА-МПА.
Грчката новинска агенција додава дека „Заев бара да постои различен третман бидејќи смета дека неговата земја ги исполнува сите предуслови, независно од тоа што ќе се случи со Албанија“.
Како што објави грчката новинска агенција АНА-МПА, Мицотакис пред новинарите говорел за повеќе теми, меѓу кои и за правото на глас на Грците кои живеат во странство, за земјата како инвестициска дестинација, за кипарското прашање, како и за средбите со Реџеп Таип Ердоган и со Зоран Заев и европската перспектива на Македонија и Албанија.
Извор: МИА
Discussion about this post