Дерала до Бетмен: Доказ дека ништо не е променето во ВМРО-ДПМНЕ си ти, остана мегафон на национализмот

„Ништо не е променето во ВМРО-ДПМНЕ, ниту кај вас. Ти беше националистички мегафон на власта порано, сега си националистички мегафон на истата партија. Истото го зборувате постојано, мислејќи дека сто пати повторена лага ќе стане вистина“ кажа активистот Џабир Дерала во дискусијата со Бодан Илиевски, познат како Бетмен велит во емисијата „Само вистина“ на Канал 5. „Вие секој ден малтретиравте јавност и ги хушкавте луѓето, ги заплашувавте со Тирански платформи, со предавства, со сето тоа што ви е во арсеналот и ден денес. Додека светот оди напред, вие стоите во место“ рече Дерала коментирајќи ги протестите кои претходеа на „Крвавиот четврток“. Тој додаде дека лично верува оти дел од осудените за 27 април биле изманипулирани, доведени во ситуација да се плашат за својата земја и за тоа што нив им значи, по што влегле внатре и ги извршиле кривичните дела. „Имаме ситуација во која еден дел од тие луѓе кои влегоа внатре беа заблудени, со месеци беа терани, хушкани во амбисот кој се нарекува крвав напад на Собранието. Група луѓе влегоа во народниот дом и сакаа да убијат пратеници, лидери на политички партии и новинари“ кажа Дерала.