СДСМ: ВМРО-ДПМНЕ е научена само на земање од граѓаните, затоа Славески е против поврат на ДДВ за граѓаните

Единствениот економски концепт на ВМРО-ДПМНЕ е да земаат пари од граѓаните за да се богатат неколкумина во белиот дворец. За нив враќање пари кај граѓаните е непознат поим, возвраќаат од СДСМ на изјавата на поранешниот министер за финансии и член на ВМРО-ДПМНЕ, Трајко Славески.

„Затоа Трајко Славески е против мерката Мој ДДВ, затоа Христијан Мицкоски и ВМРО-ДПМНЕ се против секоја мерка што обезбедува раст на платите и повеќе пари кај граѓаните. Колку ВМРО-ДПМНЕ мисли на граѓаните, се гледа по тоа што нивната пратеничка група наместо за потребите на граѓаните, поднесува амандман во кој бара да се пренаменат пари за опашката на бикот, статуа од мегакриминалиот проект Скопје 2014“, се наведува во партиското соопштение.