Најмалку 12 припадници на американската војска загинаа, а најмалку 15 се повредени во нападот на аеродромот во Кабул, изјави на брифинг генералот Кенет „Френк“ Мекензи, шеф на американската Централна команда.
– Денеска е тежок ден, рече Мекензи.
Мекензи информира дека во нападот учествувале двајца бомбаши самоубијци, по што вооружени лица отвориле оган.
Денеска имаше најмалку две експлозии во близина на порта на аеродромот во Кабул. Тие се случија додека САД и другите земји се тркаат за евакуација на луѓето пред крајниот рок за повлекување на американскиот претседател Џо Бајден на 31 август.
Пред денеска, последен пат американски војници беа убиени во Авганистан во февруари 2020 година./МИА/.
