Собранието денеска треба да ги одржи продолженијата на 116-та, 123-та и 126-та седница.
На дневен ред на 116-та седница треба да ги разгледа Предлог законот за изменување и дополнување на Законот за административни службеници, по скратена постапка, поднесен од пратениците Ејуп Алими, Анета Симеска Димоска, Хари Локвенец, Реџаиљ Исмаили, Диме Велковски, Мирослав Јовановиќ, Реџеп Мемеди, како и Предлог законот за изменување на Законот за вработените во јавниот сектор,по скратена постапка, поднесен од пратениците Ејуп Алими, Диме Велковски, Артан Груби, Мирослав Јовановиќ.
Пратениците во рамки на оваа седница треба да расправаат и по Предлог законот за правата на заедниците кои се помалку од 20 отсто од населението во Република Северна Македонија, во прво читање, како и по Предлог на закон за изменување на Законот за пензиското и инвалидското осигурување, во прво читање, а поднесен од пратениците Весна Пемова, Слаѓана Митовска, Жаклина Пешевска, Горан Манојлоски, Благица Ласовска, Павлинче Честојнова, Љупчо Димовски, Драган Данев, Јохан Тарчуловски, Стојан Миланов, Крсто Јовановски, Иван Иванов, Никола Мицевски, Зоран Илиоски, Дафина Стојаноска, Магдалена Манаскова и Ѓоко Камчев.
