Дали најдобриот светски тенисер Новак Ѓоковиќ ќе може да влезе во Австралија и да учествува на првиот Грен слем сезонава, ќе се знае дури во понеделник, пренесува Спорт клуб.
Според последните информации, конечната одлука ќе биде донесена во понеделник во 10 часот по локално време, односно околу полноќ по средноевропско време.
Министерката за внатрешни работи Керен Ендрјус нема да се спротивстави на привремената забрана за депортација, а Новак треба да дознае за пресудата во Австралија. Дотогаш ќе биде во карантин цело време.
The matter of @DjokerNole V Minister for Immigration has been adjourned until 10am on Monday. https://t.co/qZxIcmhXnf
— Courtney Walsh (@walshcee) January 6, 2022
Најдобриот светски тенисер ќе биде изведен пред Федералниот суд во Австралија, бидејќи неговиот тим од адвокати поднеле жалба на одлуката за забрана за влез во таа земја.
Како што претходно објавија странските медиуми, случајот требаше да се најде пред судијата во четврток во 18 часот по локално време.
По одлуката да му се забрани влез во Австралија, Ѓоковиќ останал во хотел за да ја чека разврската на ситуацијата.
Had to check out the scene myself at the Park Hotel where Djokovic is being detained and where his supporters have gathered to protest his impending deportation for being unvaccinated. #AusOpen pic.twitter.com/a2YnmlJOYG
— Ben Rothenberg (@BenRothenberg) January 6, 2022
Навивачите се собраа пред неговиот хотел да му дадат поддршка и му порачаа дека не е сам во оваа борба
Според Ројтерс, како што пренесува Спорт клуб, тројца тенисери на кои им било одобрено медицинско ослободување од вакцината влегле во Австралија со истата виза што ја имал Новак.
Ј. Ѓ.
