Одговарајќи на прашање околу состојбата со енергетиката, заменик претседателката на СДСМ, Сања Лукаревска во интервју за Канал 5 телевизија посочи дека државата ги активирала сите капацитети за производство на електрична енергија со цел да се намали зависноста од увоз на струја.
Лукаревска најави дека државата ќе им помогне на граѓаните и стопанството да ги надминат последиците од енергетската криза, за што веќе постојат конкретни мерки и средства во Буџетот.
„60 милиони денари се насочуваат за субвенционирање на сметките за струја на околу 7.500 семејства од ранливите категории. Во Буџетот предвидени се средства за конкретни антикризни мерки за помош на граѓаните и стопанството, мерки што ќе реализираат во текот на оваа година“ посочи Лукаревска додавајќи дека растот на цената на струјата од 9,48 отсто е далеку пониско од оние првични проекции и далеку пониско од поскапувањето на електричната енергија во многу други држави во Европа.
