Јапонскиот амбасадор во земјава Севада Хиронори денеска потпиша договор со директорот на Универзитетска клиника за радиологија и онкологија Никола Васев, по повод јапонскиот грант за Клиниката во вредност од 79.286 евра, што е наменет за обновување на одделот за брахитерапија и радиотерапија.
Грантот се доделува во рамки на јапонската програма ГГП.
– Со овој грант, Јапонија ќе го обнови одделот за брахитерапија и радиотерапија на Универзитетската клиника за радиологија и онкологија обезбедувајќи побезбедна, почиста и похумана средина за пациентите кои се борат со оваа тешка и животозагрозувачка болест. Денеска е Светски ден за борба против ракот и оваа година се слави под слоганот „Затвори го јазот na грижата“ со цел на сите човечки суштества да им се обезбеди еднаков пристап до грижа и ресурси за борба против ракот. Јапонскиот народ е среќен и горд што му помага на македонскиот народ барем малку да го намали јазот во грижата со овој грант, нагласи Хиронори.
Тој посочи дека во однос на Иницијативата за соработка со Западен Балкан, Јапонија е силно посветена да го поддржи економскиот и социјалниот развој на Северна Македонија, што е важно за целосно интегрирање во ЕУ.
– ГГП е еден од столбовите на нашата стратегија за соработка во Северна Македонија. Од 1996 година, Јапонија со вкупно 7,8 милиони евра има поддржано 158 ГГП проекти во секторот здравство, образование и животна средина во Република Северна Македонија. Во декември минатата година веќе потпишав пет проекти, оваа година ќе потпишам пет грантови во февруари и се надевам уште неколку во март, во вредност од над 800 илјади евра за 13 проекти, потÐ �ецираше амбасадорот.
Васев упати голема благодарност за донацијата, истакнувајќи дека со тоа ќе се обезбедат подобри и похумани услови за пациентите кои боледуваат од рак.
