Во текот на изминатите два дена светот продолжува да гледа невидена и брутална агресија на Руската Федерација против Украина. Барајќи оправдување за неоснованата и нефер инвазија во Украина, Руската Федерација цинично, до перверзија ја искриви една од најсвечените заложби за човекови права на меѓународната заедница, пишува во соопштението на Министерството за надворешни работи на Украина.
„Во 1948 година, по завшувањето на ужасите од Втората светска војна, меѓународната заедницата се собра за да ја создаде Конвенцијата за спречување и казнување на злосторството за геноцид (Конвенција за Геноцид). Светот го дефинираше злосторството геноцид и вети дека ќе го спречи и ќе го казни.
Но, Руската Федерација го изврте концептот на геноцид, како и свечените договорни обврски во врска со геноцидот, со цел да си ја оправда агресијата и сопственото бесрамно кршење на човековите права.
Највисокото воено и политичко раководство на Руската Федерација јавно се обиде да ја оправда сопствената агресија врз Украина како средство за спречување и казнување на геноцид кој наводно се случува кај нас.
Оваа дрска манипулација нема реална основа, како што знае цел свет. Украина силно ги негира наводите на Русија за геноцид и негира каков било обид за користење манипулативни наводи како изговор за незаконска агресија.
Злосторството геноцид е дефинирано во Конвенцијата за геноцид, а според таа Конвенција, барањата на Русија се неосновани и апсурдни.
Русија мора веднаш да престане со својата незаконска агресија против Украина преземена поради овој неоснован изговор.
Лагата на Русија е уште понавредлива и иронична бидејќи се чини дека токму русија Русија планира акти на геноцид во Украина.
Русија намерно убива и нанесува сериозни повреда на припадници од украинска националност.
Овие дела мора да се гледаат заедно со реториката на претседателот Путин кој го негира постоењето на украинскиот народ, што укажува намерарата на Русија да убива, односно на нивната геноцидна намера“, се вели во соопштението на Министерството за надворешни работи на Украина.
