Воздушни и ракетни напади од териториите на Русија и Белорусија врз станбени згради и училишта, гранатирање на породилишта со ракетни фрлачи со повеќе цевки – ова е кукавичко однесување на оние кои немаат чест. Овие не се војници – ова се терористи, претставници на терористичка држава. И овој жиг ќе ги следи долго време, изјави Министерот за одбрана на Украина, Олексиј Резников.
Изјавата на Резников Ви ја пренесуваме интегрално:
„147 часа одбрана.
Природата на настаните се менува. Руските окупатори се обидуваат барем некако да ја одржат борбената ефикасност на своите единици. Но, се помалку и помалку им успева.
За тоа сведочат постојаните факти за заробување на групи руски војници и офицери. Како и одбивање да се продолжи офанзивата.
Во Русија роднините на заробениците и жртвите почнуваат да излегуваат на протести. Во тоталните лаги на руската пропаганда се појавуваат пукнатини.
Непријателот се исплаши од директен контакт со украинските бранители и бранителки. Затоа, тој се сврте кон криминалната тактика на далечинско гранатирање на мирни градови.
Воздушни и ракетни напади од териториите на Русија и Белорусија врз станбени згради и училишта, гранатирање на породилишта со ракетни фрлачи со повеќе цевки – ова е кукавичко однесување на оние кои немаат чест. Овие не се војници – ова се терористи, претставници на терористичка држава. И овој жиг ќе ги следи долго време.
Непријателот подло пукаше врз мирниот Житомир. Ова е обид да се одмаздат за успешното извршување на задачата од страна на 95-та бригада на Операцијата за обединети сили. Окупаторите целат кон касарната на бригадата и кон околните куќи.
Напаѓајќи ги жените и децата на нашите војници, Кремљ воопшто нема да го постигне резултатот кон кој се стреми.
Многу од нашите градови и села сега страдаат од рускиот терор, но речиси најмногу – Харкив, Мариупол и Херсон.
Ова е уште еден доказ за тоа дека не постои „руски мир“. Има нацистичка идеологија во главата на неколку манијаци кои во овој момент ја држат власта во Русија.
А има и украински граѓани кои зборуваат различни јазици, одат во различни цркви и богослужби, заедно даваат херојски отпор на руските окупатори.
И ние сигурно ќе победиме!
Вчера имав долг разговор со министерот за одбрана на САД Лојд Остин. Дури и искусните американски војници се воодушевени од професионалноста на нашите бранители и од издржливоста на нашиот народ.
Количината на помош што ја добиваме се зголемува. Се зголемува бројот на земји кои ја обезбедуваат оваа помош. Се приклучуваат дури и оние за кои се сметаше дека е невозможно.‼ ️‼ Нови Бајрактари веќе пристигнаа во Украина и се на борбена должност. Ќе има уште стингери и џавелини.
Европа станува наша позадина и го доставува она што е критично за одбраната. Ние сме во првите редови на слободниот свет.
Се гордеам со сите што денес го бранат својот дом од руската инвазија.
Ја наведнувам главата пред оние кои ги дадоа своите животи.
По победата, ќе му оддадеме почит на нивниот спомен, така, за со векови подоцна Украинците да ги почитуваат хероите на Гостомел, КХрсон, Чернигив, Суми, Шчастја, Волноваха, Харков, Мариупол, Охтирка и други градови, како што ги почитуваме нашите херојски предци, почнувајќи од летописните кнезови.“
