Уништена е дел од опремата околу соларното дрво на Кејот на Вардар. Скршен е ормарот во кој се сместени уредите, при што е украдена внатрешната опрема и батериите за работа на ова соларно дрво (полнење на електрични тротинети и други е – уреди).
Овој вандалски чин е направен во текот на викендот, а штетата изнесува околу 120 илјади денари.
Во изминатиот период сведоци сме на свесно уништување на новопоставената урбана опрема во Општина Карпош, крадење на украсни растенија и новозасадени дрвја.
Општина Карпош бара одговорност за сторителите и ги повикува надлежните институции да преземат мерки за санкционирање на овие вандалски чинови.
Најголемиот дел од уништените добра се набавени со пари на граѓаните – буџетски средства и затоа треба сите да бидеме одговорни и свесни за тоа што го правиме.
Деструктивните активности имаат за цел да креираат слика на нефункционалност на локалната самоуправа, но штетата што се прави е колективна. Ништо нема да не поколеба во намерата да продолжиме да работиме за Карпош кој оди напред, со нови идеи и енергија, а не со вандализам и деструкција.
Уништена е дел од опремата околу соларното дрво на Кејот на Вардар. Скршен е ормарот во кој се сместени уредите, украдена е внатрешната опрема и батериите за работа на дрвото.
Деструктивните активности имаат за цел да покажат нефункционалност на системот, штетата е колективна❗️ pic.twitter.com/acBCPl1qr5— Стефан Богоев (@stefanbogoev) January 20, 2020
