Денеска усвоен “Предлог- законот за правата на заедниците кои се помалку од 20% од населението во Република Северна Македонија”, напиша заменик директорот во Агенцијата за остварување на правата на заедниците, Џељо Хоџиќ.
Пратениците во Собрание денес едногласно, со 67 “за”, конечно го усвоија “Предлог- законот за правата на заедниците кои се помалку од 20% од населението во Република Северна Македонија”.
Со İlhan Rahman денеска од Галеријата на Собранието го следевме усвојувањето на Законот во второ и трето читање, од страна на пратениците.
Посебно сум горд на усвојувањето на овој Закон, затоа што беше изработен со запазување на сите демократски стандарди, посебно внимавајќи на транспарентноста и инклузивноста на процесот.
Беше формирана работна група во која членуваа сите засегнати страни, од преставници на многу државни институции, пратеници, преставници на невладините организации на заедниците, интелектуалци и експерти. АОПЗ обезбеди поддршка во целиот процес на изработка на законот од Делегацијата на ЕУ во Скопје и Мисијата на ОБСЕ во Скопје.
АОПЗ го користеше и инструментот ТАИЕКС, преку кој имавме студиска посета во Северна Ирска, а и користевме услуги на странски експерт.
Овој Закон е резултат на Работната група, како и компромисите кои се направени врз база на интересите на сите засегнати страни. Едно е сигурно и за тоа нема дилема: новиот Закон е значително подобар од претходниот Закон по кој работеше АОПЗ.
Сакам јавно да им се заблагодарам на сите оние кои учествуваа во изработката на овој Закон, како и на Министерството за правда, преку кое овој Закон беше доставен до Влада, па потоа до Собрание.
Оваа Влада докажа дека има неспоредливо поголемо и суштински поквалитетно внимание за помалубројните заедници!
ФБ статус на Хоџиќ.